Har saal ki tarah, cricket fans is baar bhi IPL ke rang mein rangne ke liye bechain hain. Lekin ek sawal sabke mann mein hai—IPL 2026 ka schedule abhi tak release kyun nahi hua? Jabki tournament shuru hone mein 45 din se bhi kam ka waqt bacha hai, BCCI ne abhi tak fixtures par khamoshi saadhi hui hai. Is article mein hum un wajahon par baat karenge jinki wajah se is baar delay ho raha hai aur kab tak schedule aane ki umeed hai.
1. Assembly Elections ka Saaya
Is saal West Bengal, Tamil Nadu, Assam aur Kerala mein Assembly Elections hone waale hain. In states mein Kolkata Knight Riders (KKR) aur Chennai Super Kings (SK) jaise bade teams ke home grounds hain. Election ke waqt security forces polling mein busy hoti hain, isliye matches ke liye police protection milna mushkil ho jata hai. BCCI Election Commission ki dates ka intezaar kar raha hai taaki matches clash na hon.
2. Rajasthan Royals aur Stadium ka Masla
Jaipur ke Sawai Mansingh Stadium ko lekar ek bada vivad chal raha hai. Ek audit report mein stadium ki safety par sawal uthaye gaye hain. Rajasthan Royals (RR) ne safety concerns ki wajah se Maharashtra Cricket Association (Pune) se baat shuru kar di hai. Jab tak venue final nahi hota, BCCI poora schedule announce nahi kar sakta.
3. T20 World Cup 2026
India aur Sri Lanka mein filhal T20 World Cup chal raha hai (8 March tak). Delhi, Mumbai aur Ahmedabad jaise bade venues World Cup matches host kar rahe hain. In stadiums ko IPL ke liye ready karne aur handover lene mein thoda waqt lagta hai, jiski wajah se planning mein thodi deri ho rahi hai.
IPL 2026: Kab Se Shuru Hoga? (Expected)
Halaanki official schedule nahi aaya hai, lekin sources ke mutabiq dates kuch is tarah ho sakti hain:
- Start Date: 26 March 2026
- Final Match: 31 May 2026
- First match : Pehla match Defending champions RCB or Punjab kings ke bich me khela jaa sakta hai. Or RCB vs csk and RCB vs mi . Ke bich bhi opening match hone ke chances hai. Par pehli davedar Punjab kings hogi.
Kya Schedule Do Phases Mein Aayega?
Pichle election years ki tarah, is baar bhi BCCI do phases mein schedule nikaal sakta hai. Pehle 15-20 dinon ka schedule release kiya jayega aur baaki matches election dates ke hisaab se baad mein announce honge.
Conclusion:
Umeed hai ki February ke aakhri hafte tak hamein pehla phase dekhne ko mil jayega. Tab tak ke liye, apni favorite teams ki taiyariyon par nazar rakhein!
Leave a Reply